Храм святителя Василия Великого

На главную ‹ Православный форум храма св. Василия Великого ‹ Наша Вера и духовная жизнь ‹ Совместная молитва ‹ Тема: Молитвы к акафистам ( только молитвы)
Страниц: 1 ... 3 4 [5] Вниз Печать
Автор Тема: Молитвы к акафистам ( только молитвы)  (Прочитано 52583 раз)
Екатерина_$
Ветеран
*****
Offline Offline

Сообщений: 1150


« Ответ #60 : 06 Февраля 2018, 12:56:31 »

Молитва к Акафисту Пресвятой Богородице Иконе "Утоли моя печали"

Молитва первая

Дево Владычице Богородице,
паче естества и слова родившая Единородное Божие Слово, Творца и Владыку всея твари видимыя и невидимыя, Единаго от Троицы Бога, Бога же и Человека,
соделавшаяся обитель Божества, вместилище всякия святыни и благодати, в немже благоволением Бога и Отца, содействием Святаго Духа, телесне обиташе полнота Божества, несравненно превознесенная боголепным достоинством и преимуществующая пред всякою тварию,
славо и утешение, и неизреченное веселие ангелов, царственный венче апостолов и пророков, преестественное и чудное мужество мучеников, поборнице в подвизех и подательнице победы, уготовляющая подвижником венцы и воздаяния вечная и боголепная, превысшая всякия чести, честь и славо преподобных, непогрешительная путеуказательнице и наставнице безмолвия, двере откровений и духовных таин, источниче света, врата вечныя жизни, неистощимая реко милосердия, неисчерпаемое море всех боголепных дарований и чудес! Тя просим и Тя умоляем, сострадательнейшую Матерь человеколюбиваго Владыки: будь милостива к нам, смиренным и недостойным рабом Твоим –

прот. Андрею, Елене, Александре, Марии, млд. Василию, Ольге, Леониду, Анастасии, Елене, Елене, Марине, Илье,

Анатолию, Антонию, Ирине, Александре(жен.), отр.Павлу, Александре(жен.), Николаю, Вере, Алле, Фотинии, Марфе, млад.Константину

иеромонаху Роману, протоиерею Михаилу, протоиерею Владимиру, иерею Олегу, Павлу, Светлане, Инне, Александре (ж), Елене, Андрею, Ирине



воззри благосердно на пленение и смирение наше, уврачуй сокрушения душ и телес наших,
разсей видимыя и невидимыя враги, буди нам, недостойным, пред лицем врагов наших крепкий столп, бранное оружие, сильное ополчение, Воевода и непреоборимая поборница,
покажи ныне на нас древния и чудныя милости Твоя, да познают беззаконнии враги наши, яко Сын Твой и Бог Един есть Царь и Владыка, яко Ты воистину Богородица, родившая по плоти истиннаго Бога, яко вся Тебе возможна суть и еже аще восхощеши, Владычице, имаши силу все сие совершити на небеси и на земли, и на всякое прошение даровати коемуждо на пользу:
больным здравие, сущим на мори тишину и доброе кораблеплавание. Путешествующим спутешествуй и охраняй их, пленныя спасай от горькаго рабства, утешай печальныя, облегчай нищету и всякое другое телесное злострадание;
всех свобождай от душевных недугов и страстей, невидимыми Твоими предстательствы и внушеньми, яко да, добре и непреткновенно совершив путь сея временныя жизни, улучим Тобою и оная вечная благая в Царствии Небеснем.
Верных, почтенных страшным именем Единороднаго Сына Твоего, уповающих на Твое предстательство и на милость Твою и во всем имущих Тя ходатаицу и поборницу, укрепляй невидимо противу обстоящих врагов,
разсей облак уныния, избави я от душевнаго утруждения и подай им светлое благодушие и радость, и обнови мир и безмятежие в сердцах их.
Спаси молитвами Твоими, Владычице, сию Тебе посвященную паству, весь град и страну от глада, труса, потопа, огня, меча, нашествия иноплеменных и междоусобныя брани и всякий праведно подвигшийся на нас гнев обрати, по благоволению и благодати Единороднаго Сына и Бога Твоего, Емуже подобает всякая слава, честь и поклонение, со Безначальным Его Отцем, с Совечным и Животворящим Его Духом, ныне и присно и во веки веков. Аминь.

Молитва вторая

Надеждо всех концев земли, Пречистая Дево, Госпоже Богородице, утешение мое! Не гнушайся мене, грешнаго, на Твою бо милость уповаю:
угаси ми пламнь греховный и покаянием ороси изсохшее мое сердце, очисти ум мой от греховных помыслов, приими мольбу, от души и сердца со воздыханием приносимую Тебе.
Буди о мне Ходатаица к Сыну Твоему и Богу и укроти гнев Его матерними Твоими молитвами, душевныя и телесныя язвы исцели, Госпоже Владычице, утоли болезни души и тела, утиши бурю злых нападений вражеских, отъими бремя грехов моих,
и не остави мене до конца погибнути, и печалию сокрушенное сердце мое утеши, да славлю Тя до последняго издыхания моего. Аминь.


Тропарь, глас 5

Утоли болезни многовоздыхающия души моея, утолившая всяку слезу от лица земли, Ты бо человеком болезни отгониши и грешных скорби разрушаеши, Тебе бо вси стяжахом надежду и утверждение, Пресвятая Мати Дево.

Кондак, глас 6

Не ввери мя человеческому предстательству, Пресвятая Владычице, но приими моление раба Твоего, скорбь бо обдержит мя, терпети не могу демонскаго стреляния, покрова не имам, ниже где прибегну, окаянный, всегда побеждаемь и утешения не имам, разве Тебе, Владычице мира, упование и предстательство верных, не презри моление мое, полезно сотвори.

Ин кондак, глас 6


Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву и потщися на умоление, предстательствующи присно, Богородице, чтущих Тя.


АКАФИСТ
« Последнее редактирование: 06 Февраля 2018, 13:02:31 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #61 : 10 Февраля 2018, 17:06:32 »

К Акафисту трем святителям Василию Великому, Григорию Богослову, Иоанну Златоусту

Тропарь

Яко апостолов единонравнии / и вселенным учителие, / Владыку всех молите / мир вселенней даровати / и душам нашим велию милость.

МОЛИТВА ТРЕМ СВЯТИТЕЛЯМ

О пресветлии светильницы Церкве Христовы,
Василие, Григорие и Иоанне,
светом православных догматов вся концы земли озарившии
и мечем слова Божия хульных смущения и шатания ересей угасившии;
припадающе к вашему милосердию,


патриарх Кирилл, прот. Андрей, Елена, Александра, Мария, млд. Василий, Ольга, Леонид, Анастасия, Елена, Елена, Марина, Илья

иер. Максим, бол.Надежда, бол.Роман, Александр, Владимир, Татиана, Наталия, отр.Мария, отр. Анна, отр.София,  мл.Андрей, Галина,  бол. Дмитрий

прот. Сергий, бол. Олег, Наталия,Георгий, Наталия, отр. Леонид, Игорь, Виктория, млд. Артемий, Евгения, Александр, млд. Давид, млд. Антоний, отр. Алексий, воин Артемий, Ярослав, Елена, Ирина, млд. Екатерина, отр. Георгий,   Ольга с чадом, млд. Калерия, бол. Надежда

протоиерей Геннадий, иерей Георгий, иерей Владимир, Илария, Маргарита, Наталия, Лариса, Владимир, Екатерина, Анна, Наталия, Елена, Валентина, Алексий, Николай, Екатерина, Алексий.


Елена, Людмила, Марина, Алла

Иеромонах Роман, протоиерей Николай, протоиерей Владимир, протоиерей Михаил, протоиерей Владимир, иерей Олег, Павел, Светлана, Ирина, Раиса, Нина, Татиана, Наталия, Маргарита, Тимофей, Александра, Екатерина


с верою и любовию из глубины души вопием:
предстояще Престолу Пресвятыя, Единосущныя, Животворящия и Нераздельныя Троицы, за Нюже словом, писанием и житием добре подвизастеся и душы своя полагаете,
всегда молитеся Ей, да укрепит и ны в Православии и единомыслии, и непоколебимем даже до смерти исповедании веры Христовы,
и во вседушевнем послушании его Церкви Святей:
да препояшет ны с высоты силою на вся невидимыя и видимыя враги наша:
да соблюдет Церковь свою незыблему от неверия, суеверия, ересей и раскола;
да дарует архипастырем нашим здравие, долгоденствие и во всем благое поспешение:
пастырем нашим да подаст духовное трезвение и ревность о спасении пасомых, правителем суд и правду, воином терпение, мужество и одоление на враги,
сирым и вдовицам заступление, болящим исцеление, юным благое в вере возрастание, старцам утешение,
обидимым заступление, и всем вся ко временней и вечней жизни потребная,
яко да в мире и покаянии, желанием спасения горяще, Господеви работающе, добрым подвигом подвизающеся, течение наше скончаем и сподобимся в Небеснем Царствии купно с вами всегда пети и славити Пресвятое и Великолепое Имя Отца, и Сына, и Святаго Духа во веки веков. Аминь.


АКАФИСТ
« Последнее редактирование: 10 Февраля 2018, 17:35:42 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #62 : 13 Февраля 2018, 12:51:52 »

К акафисту Святому мученику Трифону

Тропарь, глас 8-й:


Мученик Твой, Господи, Трифон во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.
 

Кондак, глас 8-й:

Троическою твердостию многобожие разрушил еси от конец, всеславне, честен во Христе быв, и, победив мучители во Христе Спасителе, венец приял еси мученичества твоего и дарования Божественных исцелений, яко непобедим.
 
Молитва:

О, святый мучениче Христов Трифоне, скорый помощниче всем, к тебе прибегающим и молящимся пред святым твоим образом скоропослушный предстателю! Услыши убо ныне и на всякий час моление нас, недостойных рабов твоих,

Патриарха Кирилла, прот. Андрея, Елены, Александры, Марии, млд. Василия, Ольги, Леонида, Анастасии, Елены, Елены, Марины, Ильи,

Анатолия, Антония, Ирины, Александры(жен.),отр.Павла,
Александры(жен.), Николая, Веры, Аллы, Фотинии, Марфы,
млад.Константина.

иер. Максима, бол.Надежды, бол.Романа, Александра, Владимира, Татианы, Наталии, отр.Марии, отр. Анны, отр.Софии,  мл.Андрея, Галины,  бол. Дмитрия

Прот. Сергия, бол. Олега, Наталии, Георгия, Наталии, отр. Леонида, Игоря, Виктории, млд. Артемия, Евгении, Александра, млд. Давида, млд. Антония, отр. Алексия, воина Артемия, Ярослава, Елены, Ирины, млд. Екатерины, отр. Георгия,   Ольги с чадом, млд. Калерии, бол. Надежды

протоиерея Геннадия, иерея Георгия, иерея Владимира, Иларии, Маргариты, Наталии, Ларисы, Владимира, Екатерины, Анны, Наталии, Елены, Валентины, Алексия, Николая, Екатерины, Алексия.

Елены,Людмилы,Марины,Аллы

иеромонаха Романа, протоиерея Владимира, протоиерея Михаила, протоиерея Владимира, Павла, Светланы, Инны, Михаила, Александра, Алевтины, Елены, Алексея, Александры (ж), Елены, Константина, Андрея, Юлии,  Ирины, Тимофея, Татианы, Юлии, Маргариты, Наталии, Екатерины
 

почитающих святую память твою.
Ты убо, угодниче Христов, сам обещался еси прежде исхода твоего от жития сего тленнаго молитися за ны ко Господу
и испросил еси у Него дар сей: аще кто в коей-либо нужде и печали своей призывати начнет святое имя твое,
той да избавлен будет от всякаго прилога злаго.
И якоже ты иногда дщерь цареву в Риме граде от диавола мучиму исцелил еси, сице и нас от лютых его козней сохрани во вся дни живота нашего, наипаче же в день страшный последняго нашего издыхания предстательствуй о нас, егда темнии зраки лукавых бесов окружати и устрашати нас начнут.
Буди нам тогда помощник и скорый прогонитель лукавых бесов,
и к Царствию Небесному предводитель,
идеже ты ныне предстоиши с ликом святых у Престола Божия, моли Господа, да сподобит и нас причастниками быти присносущнаго веселия и радости,
да с тобою купно удостоимся славити Отца и Сына и Святаго Утешителя Духа во веки. Аминь.


АКАФИСТ
« Последнее редактирование: 13 Февраля 2018, 13:22:35 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #63 : 21 Мая 2018, 11:43:13 »

К Акафисту Святителю Николаю Архиепископу Мирликийскому Чудотворцу

Тропарь на перенесение мощей святителя и чудотворца Николая, архиепископа Мир Ликийских  


Приспе день светлаго торжества,/ град Барский радуется,/ и с ним вселенная вся ликовствует/ песньми и пеньми духовными:/ днесь бо священное торжество/ в пренесение честных и многоцелебных мощей/ Святителя и Чудотворца Николая,/ якоже солнце незаходимое, возсия светозарными лучами,/ разгоняя тьму искушений же и бед/ от вопиющих верно:/ спасай нас, яко предстатель наш, великий Николае.


Кондак, глас 3


Взыде, яко звезда, от востока до запада/ твоя мощи, святителю Николае,/ море же освятися шествием твоим,/ и град Барский приемлет тобою благодать:/ нас бо деля явился еси чудотворец изящный,// предивный и милостивый.


Молитва

О всехвальный и всечестный архиерею, великий чудотворче, святителю Христов отче Николае, человече Божий и верный рабе, мужу желаний, сосуде избранный, крепкий столпе церковный, светильниче пресветлый, звездо осиявающая и освещающая всю вселенную!
Ты еси праведник, яко финикс процветший, насажденный во дворех Господа своего, живый в Мирех, миром облагоухал еси и миро приснотекущее благодати Божия источаеши.
Твоим шествием, пресвятый отче, море освятися, егда многочудесныя твоя мощи шествоваху во град Барский, от востока до запада хвалити имя Господне.
О преизящный и предивный чудотворче, скорый помощниче, теплый заступниче, пастырю предобрый, спасающий словесное стадо от всяких бед!
Тебе прославляем и тебе величаем, яко надежду всех христиан, источника чудес, защитителя верных, премудраго учителя, алчущих кормителя, плачущих веселие, нагих одеяние, болящих врача, по морю плавающих управителя, пленников свободителя, вдов и сирот питателя и заступника, целомудрия хранителя, младенцев кроткаго наказателя, старых укрепление, постников наставника, труждающихся упокоение, нищих и убогих изобильное богатство.
Услыши нас, молящихся тебе

Патриарха Кирилла, прот. Андрея, Елену, Александру, Марию, млд. Василия, Ольгу, Леонида, Анастасию, Елену, Елену, Марину, Илью,

иеромонаха Романа, протоиерея Николая,  протоиерея Михаила, протоиерея Владимира, иерея Олега, Павла, Светлану, Инну, Михаила, Александру (ж), отр. Тимофея, Ларису, Татьяну, Ларису, Николая, Ирину, Ирину,  Елену, Юлию, Наталию, Екатерину

иерея Георгия, иерея Владимира, иерея Максима, Иларию, Маргариту, Наталию, Ларису, Владимира, Екатерину, Анну, Наталию, Елену, Валентину, Алексия, Николая, Татьяну, Марину, Алексия.

Анатолия, Антония, Ирину, Александру(жен.), отр.Павла,
Александру(жен.), Николая, Веру, Аллу, Фотинию, Марфу,
млад.Константина.

Елену, Людмилу, Марину, Аллу

иер. Максима, Надежду, пут.Романа, пут.Александра, Владимира, бол.Татиану, Наталию, отр.Марию, отр. Анну, отр.Софию,  мл.Андрея, Галину, Татиану, бол. Дмитрия

протоиерея Димитрия, Марию, бол.Георгия, Сергия, Любовь, Елену, млд Александра, млд Сергия, Светлану, бол.Галину, Ольгу, Аллу.

Прот. Сергия, бол. Олега, Наталию, Георгия, Наталию, отр. Леонида, Игоря, Викторию, млд. Артемия, Евгению, Александра, млд. Давида, млд. Антония, отр. Алексия, воина Артемия, Ярослава, Елену, Ирину, млд. Екатерину, отр. Георгия,   Ольгу с чадом, млд. Калерию

Архим. Митрофана, прот. Георгия, иеромонаха Александра,   Марию, Галину, бол. Георгия, Алексея, Дарью,  Григория, Юлию, Валентину, Ольгу, Николая, Людмилу, Татьяну

протоиерея Бориса, иерея Владимира, иерея Иоанна, иерея Аркадия, бол.Анатолия, Алексия, Евгения (м), Марину, Татиану

Сергия , Владимира, бол.  Николая, Анну, Клавдию, Татьяну, Марию, Людмилу.


и прибегающих под кров твой, яви предстательство твое о нас к Вышнему и исходатайствуй твоими Богоприятными молитвами вся полезная ко спасению душ и телес наших. Сохрани святую обитель сию [или храм сей], всякий град и весь, и всякую страну христианскую, и люди живущия от всякаго озлобления помощию твоею; вемы бо, вемы, яко много может молитва праведнаго, поспешествующая во благое; тебе же праведнаго, по Преблагословенней Деве Марии, предстателя ко Всемилостивому Богу имамы, и к твоему, преблагий отче, теплому ходатайству и заступлению смиренно притекаем;
ты нас соблюди, яко бодрый и добрый пастырь, от всяких врагов, губительства, труса, града, глада, потопа, огня, меча, нашествия иноплеменников, и во всяких бедах и скорбех наших подавай нам руку помощи, и отверзи двери милосердия Божия;
понеже недостойни есмы зрети высоту небесную от множества неправд наших; связани есмы узами греховными, и николиже воли Создателя нашего сотворихом, ни сохранихом повелений Его.
Темже приклоняем колена сокрушенна и смиренна сердца нашего к Зиждителю своему, и твоего отеческаго заступления к Нему просим: помози нам, угодниче Божий, да не погибнем со беззаконии нашими, избави нас от всякаго зла и от всякия вещи сопротивныя,
управи ум наш, и укрепи сердце наше в правой вере, в нейже твоим предстательством и ходатайством, ни ранами, ни прещением, ни мором, ни коим гневом от Создателя своего умалени будем, но мирное зде поживем житие, и да сподобимся видети благая на земли живых, славяще Отца, и Сына, и Святаго Духа, Единаго в Троице славимаго  и покланяемаго Бога , ныне и присно, и во веки веков, аминь


Величание

Величаем тя, святителю отче Николае, и чтем святую память твою, ты бо молиши за нас Христа Бога нашего.


Акафист
« Последнее редактирование: 21 Мая 2018, 11:53:19 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #64 : 03 Июля 2018, 12:21:12 »

Святому славному пророку, Предтече и Крестителю Господню Иоанну

Молитва первая

Крестителю Христов, честный Предтече, крайний пророче, первый мучениче, постников и пустынников наставниче, чистоты учителю и ближний друже Христов! Тя молю, и тебе прибегая не отрини мене от твоего заступления, не остави мя падшего многими грехи; обнови душу мою покаянием, яко вторым крещением; очисти мя, грехи оскверненнаго, и понуди внити, иможе ничтоже скверно входит, в Царствие Небесное. Аминь.

Молитва вторая

Крестителю Христов, проповедниче покаяния, кающагося не презри мене, но совокупляяся с вои небесными, молися ко Владыце за мене недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего: аз бо есмь вертеп злых дел, отнюд не имеяй конца греховному обычаю; пригвожден бо есть ум мой земным вещем. Что сотворю, не вем, и к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия: Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй грех, покаяние же проповедуяй во очищение коегождо дел скверных; очисти мя грехми оскверненнаго и понуди внити, аможе ничтоже скверно входит, во Царствие Небесное. Аминь.

Молитва третья


Святый Предтече и Крестителю Христов Иоанне! Проповедник сый покаяния, кающихся не презри нас, но молися ко Владыце Христу за нас, недостойных рабов, унылых, немощных, во многия грехи впадших. Смерти убо чаем, о гресех же наших николиже поболехом и о Царствии Небеснем не попекохомся: но не презри нас, Крестителю Христов, честный Предтече, болий рожденных всех, постником и пустынником наставниче, чистоты учителю и ближний друже Христов. Тя молим, к тебе прибегаем: не отрини нас, просящих твоего заступления, обнови души наша покаянием, еже есть второе крещение: твоим ходатайством пред Господем испроси нам

прот. Андрею, Елене, Александре, Марии, млд. Василию, Ольге, Леониду, Анастасии, Елене, Елене,Марине,Илье



очищение грехов. Уста недостойная вопиют к тебе, и душа смиренная молится, сердце сокрушенное из глубины воздыхает: простри пречистую твою десницу и защити нас от враг видимых и невидимых. Ей, Господи Иисусе Христе! Молитвами святаго Иоанна Крестителя Твоего, изряднее же Пречистыя Твоея Матери, Владычицы нашея Богородицы, спаси нас, грешных рабов Твоих, кающихся о гресех. Ты бо еси Бог кающихся, и на Тя, Спасителя, возлагаем надежду, славяще Пресвятое Имя Твое, со Безначальным Твоим Отцем, и со Пресвятым и Благим и Животворящим Твоим Духом, ныне и присно и во веки веков.

Тропарь Предтечи, глас 4

Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством, / и воплощение Сына Божия мирови проповедуется.

АКАФИСТ


« Последнее редактирование: 03 Июля 2018, 13:27:26 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #65 : 03 Июля 2018, 12:23:03 »

Молитва вторая Пресвятой Богородице пред иконой Ея «Тихвинской»
О, Пресвята́я Де́во, Ма́ти Го́спода вы́шних сил, Небесе́ и земли́ Цари́це, гра́да и страны́ на́шея Всемо́щная Засту́пнице.
Приими́ хвале́бно благода́рственное пе́ние сие́ от нас недосто́йных раб Твои́х
и вознеси́ моли́твы на́ша ко престо́лу Бо́га Сы́на Твоего́,
да ми́лостив бу́дет непра́вдам на́шим и проба́вит бла́гость Свою́ чту́щим всечестно́е и́мя Твое́ и с ве́рою и любо́вию поклоня́ющимся чудотво́рному о́бразу Твоему́.
Не́смы бо досто́йни от Него́ поми́ловани бы́ти, а́ще не Ты уми́лостививши Его́ о нас, Влады́чице, я́ко вся Тебе́ от Него́ возмо́жна суть.
Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей;
услы́ши нас моля́щихся Тебе́,



осени́ нас вседержа́вным покро́вом Твои́м и испроси́ у Бо́га Сы́на Твоего́
па́стырем на́шим ре́вность и бде́ние о душа́х,
градоправи́телем му́дрость и си́лу,
судия́м пра́вду и нелицеприя́тие,
наста́вником ра́зум и смиреному́дрие,
супру́гам любо́вь и согла́сие, ча́дам послуша́ние,
оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние:
всем же нам дух ра́зума и благоче́стия, дух милосе́рдия и кро́тости, дух чистоты́ и пра́вды.
Ей, Госпоже́ Пресвята́я, умилосе́рдися на немощны́я лю́ди Твоя́: разсе́янныя собери́, заблу́ждшыя на путь пра́вый наста́ви, ста́рость поддержи́, ю́ныя уцелому́дри, младе́нцы воспита́й,
и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ша к зре́нию спасе́ния,
ми́лостива нам бу́ди зде и та́мо, в стране́ земна́го прише́льствия и на Стра́шнем Суде́ Сы́на Твоего́: преста́вльшыяся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́.
Ты бо еси́, Госпоже́, сла́ва Небе́сных и упова́ние земны́х.
Ты по Бо́зе на́ша Наде́ждо и Засту́пница всех притека́ющих к Тебе́ с ве́рою. К Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и друг дру́га и весь живо́т наш предае́м, ны́не и при́сно, и во ве́ки веко́в. Ами́нь
.

Тропарь Пресвятой Богородице пред иконой Ея «Тихвинской»
глас 4
Дне́сь, я́ко со́лнце пpесве́тлое,/
возсия́ нам на возду́се всечестна́я ико́на Твоя́, Влады́чице,/
луча́ми ми́лости миp пpосвеща́ющи,/ ю́же вели́кая Росси́я,/ я́ко не́кий даp Боже́ственный свы́ше благогове́йне воспpие́мши,/ пpославля́ет Тя, Богома́ти, всех Влады́чицу,/ и от Тебе́ pо́ждшагося Хpиста́ Бо́га на́шего велича́ет pа́достно./ Ему́же моли́ся, о Госпоже́ Цаpи́це Богоpо́дице,/ да сохpани́т вся гpа́ды и стpаны́ хpистиа́нския/ невpеди́мы от всех наве́т вpа́жиих/ и спасе́т ве́pою поклоня́ющихся Его́ Боже́ственному/ и Твоему́ пpечи́стому о́бpазу,// Де́во Неискусобpа́чная.


АКАФИСТ
« Последнее редактирование: 03 Июля 2018, 12:30:16 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #66 : 05 Июля 2018, 10:17:59 »

К Акафисту Пресвятой Богородице пред Ее иконой Владимирская

Тропарь Божией Матери пред иконой Ее Владимирской
глас 4
Днесь светло красуется славнейший град Москва,/ яко зарю солнечную, восприемши, Владычице,/ чудотворную Твою икону,/ к нейже ныне мы притекающе и молящеся Тебе, взываем сице:/ о пречудная Владычице Богородице!/ Молися из Тебе воплощенному Христу Богу нашему,/ да избавит град сей и вся грады и страны христианския/ невредимы от всех навет вражиих// и спасет души наша, яко Милосерд.


Кондак Божией Матери пред иконой Ее Владимирской

глас 8
Взбранной Воеводе победительная,/ яко избавльшеся от злых/ пришествием Твоего честнаго образа, Владычице Богородице,/ светло сотворяем празднество сретения Твоего и обычно зовем Ти:// радуйся, Невесто Неневестная

Молитва

О, Всемилостивая Госпоже Богородице, Небесная Царице, Всемощная Заступнице, непостыдное наше Упование!
Благодарим Тя о всех благодеяниих, российским людем от Тебе бывших, от древле и до днесь от чудотворныя иконы Твоея явленных. И ныне, Преблагая Владычице, призри на ны грешныя и недостойныя рабы Твоя,


прот. Андрея, Елену, Александру, Марию, млд. Василия, Ольгу, Леонида, Анастасию, Елену, Елену, Марину, Илью

Протоиерея Геннадия, иерея Георгия, Иларию, Маргариту, Наталию, Ларису, Владимира, Екатерину, Анну, Наталию, Елену, Татьяну, Валентину, Елену, Николая, Татьяну.

иеромонаха Романа, протоиерея Владимира, протоиерея Михаила, протоиерея Владимира, Павла, Светлану, Екатерину со чадом, Елену, Инну, Ирину, Татьяну, Марию, Екатерину

Елену, Людмилу, Марину, Аллу, Наталию, Ларису, Анастасию со чадами


яви нам милость Твою и моли Сына Твоего, Христа Бога нашего, о еже избавитися нам от всякого зла и сохранится всякому граду и веси, и всей стране нашей от глада, губительства, труса, потопа, огня, меча, нашествия иноплеменных и междоусобныя брани. Испроси православным Христианом благоденствие и мирное житие, здравие, долгоденствие, во всем благое поспешение и спасение. Сохрани и умудри пастырей Церкви, еже достойно пасти стадо Христово и право правити слово истины; укрепи Христолюбивое всероссийское воинство, подаждь дух совета и разума военачальником, градоначальником и всем, иже во власти суть; низпосли святое Твое благословение и всем православным Христианом, поклоняющимся Ти и молящимся пред цельбоносною Твоею иконою. Буди нам Заступница и Ходатаица пред Престолом Всевышнего, идеже предстоиши. К кому убо прибегнем, аще не к Тебе, Владычице? Кому принесем слезы и воздыхания, аще не к Тебе, Пресвятая Богородице? Не имамы бо иныя помощи, не имамы иныя надежды, разве Тебе, Небесная Царице. Под Твой покров притекаем, молитвами Твоими низпосли нам мир, здравие, земли плодоносие, воздуха благо растворение, избави ны от всяких бед и скорбей, от всяких недугов и болезней, от внезапные смерти и от всех озлоблений врагов видимых и невидимых.
Вразуми и научи ны, о, Всемилостивая Заступнице, како безгрешно прейти путь земного сего жития; Ты веси немощи наша, веси и согрешения наша, но и веру веси, и упование видиши;темже даруй нам исправление греховных жизни и умягчи злая сердца наша.
Укрепи в нас правую веру, вложи в сердца наша дух страха Божия, дух благочестия, дух смирения, терпения и любве, в добрых делах преуспеяние; избави же ны от искушений, от пагубных душевредных учений, от неверия, развращения и погибели вечныя. Тебе убо просим, Пречистая Владычице, и припадающе пред святою Твоею иконою, молимся, умилосердися на ны и помилуй ны, в Страшный же день Суда ходатайством и заступлением Твоим сподоби ны стати одесную Сына Твоего, Христа Бога нашего, Емуже подобает всякая слава, честь и поклонение, со Безначальным Его Отцем, и Пресвятым и Благим и Единосущным Его Духом, ныне и присно и во веки веков. Аминь.


АКАФИСТ
« Последнее редактирование: 05 Июля 2018, 16:24:34 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #67 : 07 Июля 2018, 17:06:13 »

Святым благоверным князю Петру и княгине Февронии, Муромским чудотворцам

О уго́дницы Бо́жии, благове́рнии кня́же Пе́тре и княги́не Февро́ние,
к ва́м прибега́ем и к ва́м со упова́нием кре́пким мо́лимся:
вознеси́те о на́с, гре́шных

Патриархе Кирилле, прот. Андрее, Елене, Александре, Марии, млд. Василии, Ольге, Леониде, Анастасии, Елене, Елене, Марине, Илье

протоиерее Геннадии, иерее Максиме, Иларии, Маргарите, Наталии, Ларисе, Владимире, Екатерине, Анне, Наталии, Елене, Татьяне, Елене, Николае, Татьяне.

протоиерее Михаиле, иерее Олеге, протоиерее Владимире, Павле, Светлане, Екатерине со чадом, Пелагее, Наталии, Наталии, Екатерине

святы́я моли́твы ва́ши ко Го́споду Бо́гу и испроси́те у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мо, в до́брых де́лех преуспе́яние.
И хода́тайствуйте на́м у Царя́ Небе́снаго житие́ благополу́чное и до́брую христиа́нскую кончи́ну.
Е́й, чудотво́рцы святи́и! Не пре́зрите моли́тв на́ших, но бу́дите о на́с при́снии предста́телие ко Го́споду, и сподо́бите на́с по́мощию ва́шею спасе́ние ве́чное получи́ти и Ца́рствие Небе́сное унасле́довати,
да славосло́вим неизрече́нное человеколю́бие Отца́ и Сы́на и Свята́го Ду́ха, в Тро́ице покланя́емаго Бо́га во ве́ки веко́в.


АКАФИСТ
« Последнее редактирование: 07 Июля 2018, 17:11:52 от Екатерина_$ » Записан
Екатерина_$
Ветеран
*****
Offline Offline

Сообщений: 1150


« Ответ #68 : 20 Июля 2018, 01:13:09 »

К АКАФИСТУ ПРЕСВЯТОЙ БОГОРОДИЦЕ В ЧЕСТЬ ИКОНЫ «КАЗАНСКАЯ»
Молитва

О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе,

Патриарха Кирилла, прот. Андрея, Елены, Александры, Марии, млд. Василия, Ольги, Леонида, Анастасии, Елены, Елены,Марины,Ильи

иеромонаха Романа, протоиерея Игоря, протоиерея Михаила, протоиерея Владимира,  Павла,  Светланы, Инны, Михаила,  Алексея, Александры (ж),  Тимофея,  Ирины, Екатерины со чадом, Анастасии, Татьяны, Натальи, Екатерины

Прот. Сергия, бол. Олега, Наталии, Георгия, Наталии, отр. Леонида, воина Игоря, Виктории, млд. Артемия, Евгении, Александра, млд. Давида, млд. Антония, отр. Алексия, воина Артемия, Ярослава, Елены, Ирины, млд. Екатерины, отр. Георгия,  Ольги с чадом, млд. Калерии

Архим. Митрофана, прот. Георгия, иеромонаха Александра,   Марии, Галины, бол. Георгия, Алексея, Дарьи,  Григория, Юлии, Захария, Ольги, Николая, Людмилы, бол.Серафимы, Татьяны

протоиерея Геннадия, иерея Георгия, иерея Владимира, Иларии, Маргариты, Наталии, Ларисы, Владимира, Екатерины, Анны, Наталии, Елены, Елизаветы, Надежды, Иоанны (ж), Татьяны, Елены, Николая, Марины, Татьяны, мл.Арсения.

Елены, Людмилы, Марины, Аллы, Наталии

умоли, милосердая Мати, Сына Твоего и Бога нашего, Господа Иисуса Христа,
да сохранит мирну страну нашу,
да утвердит державу Российскую во благочестии, Церковь Свою Святую да незыблему соблюдет от неверия, ересей и раскола.
Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Помощница и Заступница.
Избави всех, с верою Тебе молящихся, от падений греховных, от навета злых человек, от всяких искушений, скорбей, бед и от напрасныя смерти;
даруй нам дух сокрушения, смирение сердца, чистоту помышлений, исправление греховныя жизни и оставление прегрешений,
да вси, благодарне воспевающе величия Твоя, сподобимся Небеснаго Царствия и тамо со всеми святыми прославим пречестное и великолепое имя Отца и Сына и Святаго Духа. Аминь.



Тропарь, глас 4

Заступнице усердная, Мати Господа Вышняго, за всех молиши Сына Твоего Христа Бога нашего и всем твориши спастися, в державный Твой Покров прибегающим. Всех нас заступи, о Госпоже, Царице и Владычице, иже в напастех, и скорбех, и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами и невозвратно надежду имущих на Тя, избавления всех зол, всем полезная даруй и вся спаси, Богородице Дево, Ты бо еси Божественный Покров рабом Твоим.


Кондак, глас 8

Притецем, людие, к тихому сему и доброму пристанищу, скорой Помощнице, готовому и теплому спасению, Покрову Девы, ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от всех бед и зол благонравныя и богобоящияся рабы Своя.


АКАФИСТ
Записан
Екатерина_$
Ветеран
*****
Offline Offline

Сообщений: 1150


« Ответ #69 : 08 Августа 2018, 03:47:42 »

К акафисту святому великомученику и целителю Пантелеимону

Молитва

О вели́кий Христо́в уго́дниче и пресла́вный целе́бниче, великому́чениче Пантелеи́моне!
Душе́ю на Небеси́ Престо́лу Бо́жию предстоя́й и триипоста́сныя Его́ сла́вы наслажда́яйся, те́лом же и ли́ком святы́м на земли́ в Боже́ственных хра́мех почива́яй
и да́нною ти́ свы́ше благода́тию разли́чная чудеса́ источа́яй,
при́зри ми́лостивным твои́м о́ком на предстоя́щия лю́ди,

Патриарха Кирилла, прот. Андрея, Елену, Александру, Марию, млд. Василия, Ольгу, Леонида, Анастасию, Елену, Елену, Марину, Илью,

протоиерея Бориса, иерея Владимира, иерея Иоанна, иерея Аркадия, бол. Анатолия, Алексия, Евгения (м), Марину, Елену, Татиану

Прот. Сергия, бол. Олега, Наталию, Георгия, Наталию, отр. Леонида, воина Игоря, Викторию, млд. Артемия, Евгению, Александра, млд. Давида, млд. Антония, отр. Алексия, воина Артемия, Ярослава, Елену, Ирину, млд. Екатерину, отр. Георгия,  Ольгу с чадом, млд. Калерию

протоиерея Димитрия, Марию, бол.Георгия, Сергия, Любовь, Елену, млд Александра, млд. Сергия, Светлану, бол.Галину, Ольгу, Аллу.

протоиерея Геннадия, иерея Георгия, иерея Владимира, Иларию, Маргариту, Наталию, Ларису, Владимира, Екатерину, Анну, Елену, Николая, Наталию.

иеромонаха Романа, протоиерея Игоря, протоиерея Михаила, протоиерея Владимира, протоиерея Владимира, Марию, Павла, Светлану, Игоря, Инну, Александру (ж), Тимофея,  Ларису, Николая, Ирину, Ирину, Андрея, Юлию, Аллу, Аллу, Марию, Ольгу, Ольгу, бол. отр. Дарью, Екатерину

игумена Савву, протоиерея Георгия, Елену, Людмилу, Марину, Аллу, Наталию, Елену, Светлану, Иоанна, Антония, Татиану, Светлану, Валентину

Евгения, Надежду, Наталию.

т.б. Ирину, б. Галину, б. Владимира, Анну, Екатерину, Александра, Веру.

Евгению, Илью, бол. Фотинию

Анатолия, Антония, Ирину, Александру(жен.),отр.Павла,
Александру(жен.), Николая, Веру, Аллу, Фотинию, Марфу,
млад.Константина.

Протоиер. Николая, Анатолия, Владимира, Максима, Галину, непраздную Елену, млд.Фотинию, млд.Даниила,  Анну, Наталью

честне́й твое́й ико́не уми́льно моля́щияся и прося́щия от тебе́ целе́бныя по́мощи и заступле́ния:
простри́ ко Го́споду Бо́гу на́шему те́плыя твоя́ моли́твы и испроси́ душа́м на́шим оставле́ние согреше́ний.
Се́ бо мы́, за беззако́ния на́ша не сме́юще возвести́ очеса́ на́ша к высоте́ небе́сней, ниже́ вознести́ гла́с моле́бный к Его́ в Божестве́ непристу́пней сла́ве,
се́рдцем сокруше́нным и ду́хом смире́нным тебе́, хода́тая ми́лостива ко Влады́це и моли́твенника за ны́, гре́шныя, призыва́ем,
я́ко ты́ прия́л еси́ благода́ть от Него́
неду́ги исцеля́ти и стра́сти отгоня́ти.
Тебе́ у́бо про́сим: не пре́зри на́с, недосто́йных, моля́щихся тебе́


и твоея́ по́мощи тре́бующих.
Бу́ди на́м в печа́лех уте́шитель, в неду́зех лю́тых стра́ждущым вра́ч, напа́ствуемым ско́рый покрови́тель, очесе́м неду́гующим прозре́ния да́тель,
ссу́щим и младе́нцем ско́рый предста́тель и исцели́тель: исхода́тайствуй все́м вся́, я́же ко спасе́нию поле́зная, я́ко да твои́ми ко Го́споду Бо́гу моли́твами получи́вше благода́ть и ми́лость, просла́вим все́х благи́х Исто́чника и Даропода́теля Бо́га,
Еди́наго в Тро́ице Святе́й сла́вимаго Отца́ и Сы́на и Свята́го Ду́ха
ны́не и при́сно и во ве́ки веко́в. Ами́нь.



АКАФИСТ
« Последнее редактирование: 08 Августа 2018, 23:52:32 от Екатерина_$ » Записан
Страниц: 1 ... 3 4 [5] Вверх Печать 

На главную ‹ Православный форум храма св. Василия Великого ‹ Наша Вера и духовная жизнь ‹ Совместная молитва ‹ Тема: Молитвы к акафистам ( только молитвы)
Перейти в:  


Powered by SMF 1.1.21 | SMF © 2006-2009, Simple Machines