Храм святителя Василия Великого

На главную ‹  Святыни Псковской земли ‹  Псковские святые и праведники ‹ Преподобная Васса, Псково-Печерская (XV век)

Преподобная Васса, Псково-Печерская (XV век)

Жизненный путь преподобной Вассы тесно связан с подвигом преподобного Ионы, до пострига — священника Иоанна, супруга ее. Все те лишения и страдания, которые имел он на своем тернистом пути, были и ее муками.

Преподобная Васса (в миру носившая имя Мария) была полна самоотвержения во имя любви к мужу, детям и ближнему. Но выше этого у нее была любовь ко Господу. Она, в любой опасности безстрашная, безропотная, в трудах и любви неутомимая, и страданиях несокрушимая, жила по слову Апостола: “Да будет украшением вашим в нетленной красоте духа сокровенный человек”. Вся ее жизнь принадлежала мужу, служителю Престола Господня.

Через несколько времени матушка Мария заболевает и принимает монашеский постриг с именем Вассы. Эта жена была, по Летописи, первое лицо в истории Псково-Печерского монастыря, принявшее в нем монашеский образ. Над нею же совершилось и первое чудо в этом монастыре при самом начале его основания. Когда инокиня Васса скончалась, то могила была для нее приготовлена в Богом зданной пещере.

“В следующую ночь после того, как инокиня была погребена, гроб ее был выставлен из земли какою-то невидимою силою. О.Иоанн и духовный отец Вассы, думая, что пропустили что-нибудь в надгробном пении, совершили над умершею это пение во второй раз и после разрешительной молитвы снова опустили ее в ту же могилу. Но через ночь гроб Вассы опять очутился на верху могилы. После этого Иоанн оставил гроб ее уже непогребенным и поставил его на левой стороне, при входе в пещеру, ископав в стене только нужное для нее вместилище”. (Первоклассный Псково-Печерский монастырь. Остров, 1893, с. 7-8).

Так сразу по преставлении прославил Бог преподобную Вассу. Во время одного из нападений ливонцев на Псково-Печерскую обитель рыцарь дерзкий дерзнул осквернить святую гробницу с мощами преподобной. Он попытался мечом открыть крышку гроба, но был внезапно попален исшедшим изнутри Божественным огнем. На правой стороне гроба остался след пламени, благоухающий и источающий дивный аромат по сию пору.

Преподобная Васса сподобилась Небесного Чертога вкупе с преподобным Марком-пустынножителем. С соизволения всечестной Игумении монастыря Царицы Небесной было допущено это чудо. Принятие монашества было лишь завершением высокой жизни святой, и тем выше подвиг преподобной Вассы, ведь следовать аскетическим путем особенно трудно в миру. Большую часть жизни она не была монахиней — была любящей матерью, верной и заботливой женой, благочестивой, кроткой, трудолюбивой. Оставаясь в миру, она жила по-ангельски, ее сердце оставалось непричастным злу, лишения плоти освободили ее дух и подняли на вершины восхождения по трудному и благому пути к Богу.

Всемогущий Господь сподобил прославления преподобной Вассы на земле, и она была причислена к лику святых.

Святые преподобные Иона и Васса - покровители супружества.

И сегодня, как и прежде, мы находим в ней “печальным утешительницу, болящим посетительницу и сущим в бедах скорую помощницу, приходящим к ней с верою, точащую всем исцеления”.

Молитвами преподобной мати нашея Вассы, помощницы нашей прерадостной, Господи, Иисусе Христе, Боже наш, помилуй нас. Аминь.

по материалам официального сайта Свято-Успенского Псково-Печерского монастыря
изображение: Преподобные Марк, Иона и Васса Псково-Печерские (XV век)

Молитва преподобной Вассе

О, всехвальная и преподобная мати наша Вассо! Сосуде Богом избранный, и аки каменьми драгоценными добродетельми украшенный! Обители Псково-Печерския красото и славо: жития иноческаго утверждение и правило. К тебе ныне припадаем и со слезами колена сердца нашего пред ракою мощей твоих преклоняем, мощи твоя любезно чествуем и вельми радуемся, зряще благоуханное и праведное тело твое, никогда же покидающее ны, но на всяк день и час в честней раце пребывающее, во граде и обители сей на радость верным. Темже из глубины души к тебе взываем: внемли недостойным молением нашим: услыши глас сирых рабов твоих, в горцех прошениих к тебе приникших, исполни их скоро. Буди любящая мати к скорбящим чадом и прошения наша скоро вознеси в Небесное Царство, к подножию ног Господа и Спасителя нашего. Ты в благочестии и вере воспитанная, даруй нам, да и мы твердо держим веру нашу православную и благочестием украшаемся. Ты супружницею благоговейнаго Иоанна ставшая и во браце спасение почерпшая, егда же супруг твой пресвитером соделася добре стадо свое управляя, тогда ты в пастырских трудех ему усердно помогаше житием твоим праведным, яко звезда сияя в нощи греховней сущим, и скорби и радости его непрестанно разделяя! Сего ради и всем сущим в брачнем житии, помози спасение улучити, в мире и единомыслии житие проводити, брак честен и ложе нескверно блюсти. Ты брачному житию монашеское предпочетшая, на склоне лет твоих вместе с супружником твоим стопы в весь Печерскую к водам потока Каменца направившая, да тамо вкупе с преподобным подвижником Марком в делании иночестем подвизаетеся! Помози и нам нозе наша к добродетели направляти и всегда от прелести мира сего на спасительное делание тщатися, да омыют и наша беззакония и грехи спасительныя воды молитв и подвигов. Ты с супружником твоим вкупе чин монашеский приявшая и скорби жития иноческаго понесшая, даже до смерти твоея, тщаливо Богу работая, да стяжеши венцы небесныя! Умоли Бога, да и мы в подвизех иноческаго делания укрепимся и вся скорби и тяготы на радость преложим, да наследим и мы венцы небеснии твоею помощию и молитвами о нас, чадех твоих, восхваляюще Всеблагаго Бога, даровавшаго таковую заступницу верным, ныне и в безконечныя веки. Аминь.

Акафист преподобной Вассе Псково-Печерской

Кондак 1
Избранней от мирскаго жития на подвиг иноческий спасительный, утешению и радости верных, преподобней Васcе похвальная восписуем пения. Ты же внемли недостойным мольбам нашим, донеси прилежне до Царя славы и Господа, да со умилением зовем ти сице:
Радуйся, преподобная мати Вассо, помощнице наша прерадостная.

Икос 1
Ангельстии лицы возрадовашася ти, егда родишася в мир сей, ведяще тя предъизбранную для подвигов и добродетелей. Мы же, обретше тя добродетельную помощницу и молитвенницу, взываем ти сице:
Радуйся, возрадовавшая рождением родителей твоих.
Радуйся, ангельские усладиша очеса.
Радуйся, красотою души измлада богатая.
Радуйся, детский трепет души посвятившая Богу.
Радуйся, Духа Святаго в крещении приявшая.
Радуйся, печатию дара Духа Святаго назнаменованная.
Радуйся, отрекшаяся сатаны и всех дел его.
Радуйся, во Христа облекшаяся.
Радуйся, истинную веру устами восприемника исповедавшая.
Радуйся, ризою светлою одеявшаяся.
Радуйся, с пострижением власов нечистоту греха отчуждившая.
Радуйся, преподобная мати Вассо, помощнице наша прерадостная.

Кондак 2
Видяще родители, яко дщи родися преславная, возблагодариша Бога, даровавшаго таковую милость верным и воспеша от всея души: Аллилуиа.

Икос 2
Разум даровася тебе от Бога, егда бо еще младою отроковицею благочестию и молитве научена была еси. Ты же, яко пчела, мед добродетелей собирала еси. Сего ради приими от нас пения сия:
Радуйся, от юности в благочестии воспитанная.
Радуйся, возлюбившая Бога всем сердцем своим.
Радуйся, в любве к ближнему совершенствовавшаяся.
Радуйся, родителей своих почитавшая.
Радуйся, послушанием приносившая им радость.
Радуйся, очеса твоя кротостию украшашеся.
Радуйся, руце твои на добродетели простирахуся.
Радуйся, нозе бо твои шествоваху незаблудным путем.
Радуйся, и нас научающая сим добродетелем.
Радуйся, в скорбех отрадо наша.
Радуйся, в молитвах прибежище верных.
Радуйся, преподобная мати Вассо, помощнице наша прерадостная.

Кондак 3
Сила Господня осени тя, егда подвизашеся на добродетели, вразуми бо тя Господь, да украсиши житие твое, аки каменьми драгоценными, милосердием, братолюбием и кротостию, и воззовеши Богу: Аллилуиа.

Икос 3
Имуще богатство неисчислимое в сердце своем, сложенное от юности, востекла еси ко супружнику твоему Иоанну и прельсти его сим богатством, да видяще восприемлет тя на брак честен. Сего ради зовем ти:
Радуйся, с чистотою тела и чистоту души соблюдшая.
Радуйся, с добродетельным Иоанном в брак честен вступившая.
Радуйся, добродетельной супружницей явившаяся.
Радуйся, в таинстве брака благодать получившая.
Радуйся, с сею благодатию преславне пожившая.
Радуйся, славою и честию венчавшаяся.
Радуйся, к сему житию путеводящая.
Радуйся, помощнице брак честен соблюдающим.
Радуйся, наказательнице неверных жен и мужей.
Радуйся, верных Христови обручающая.
Радуйся, неверных от своея помощи отревающая.
Радуйся, преподобная мати Вассо, помощнице наша прерадостная.

Кондак 4
Бурею естества человеческаго повергшеся ко греху, яко адамант тверд была еси, с сокрушением в покаянии очищала еси себе от зол мира сего и добродетельми блистала яко заря солнечная, ликуя вопия Богу: Аллилуиа.

Икос 4
Слышаша людие о тебе, преподобная, яко вельми добродетельми украшена, стекахуся к тебе, да почерпают от сего источника благодати. Егда же утешение получаху, согласно взываше к тебе:
Радуйся, луно, светящая в нощи греховней сущим.
Радуйся, звездо, ведущая к добродетели.
Радуйся, напитавшая алчущаго.
Радуйся, напоившая жаждущаго.
Радуйся, приявшая страннаго в своя обители.
Радуйся, согревшая во мразе сущих.
Радуйся, заповедем Божиим сопричастнице.
Радуйся, добродетели всякия правило.
Радуйся, смирением облеченная.
Радуйся, кротостию украшенная.
Радуйся, сладкоуханная цевнице.
Радуйся, преподобная мати Вассо, помощнице наша прерадостная.

Кондак 5
Боготечная звезда была еси, сияя супружнику твоему Иоанну, егда сан иерейский прияша, разделяше бо житием твоим вся красоты и скорби пастырскаго его подвига, непрестанно вопия: Аллилуиа.

Икос 5
Видеша ближнии и дальнии честную двоицу добродетельную во спасении и трудех жительствующую, вознесоша благодарный глас свой к Богу и воспеша сия:
Радуйся, всеблагая печальнице иерея Божия.
Радуйся, блистающая светом Отчим.
Радуйся, труды пастырства разделявшая житием своим.
Радуйся, светильниче, освещающий скорбный путь.
Радуйся, премудростию венчанная.
Радуйся, иерею Божию сопутствовавшая.
Радуйся, сладость пресвитера восприемлющая духом.
Радуйся, благоговейно внимавшая глаголом живота.
Радуйся, сердце свое жилищем Бога соделавшая.
Радуйся, в Бозе и для Бога жившая.
Радуйся, светом веры и нас озаряющая.
Радуйся, преподобная мати Вассо, помощнице наша прерадостная.

Кондак 6
Проповедницы людие быша егда о подвизех преподобнаго Марка рекоша и на стогны града Пскова молву донесше, возвестиша бо о добродетельном житии его и подвизех. Мы же ведуще сия, велегласно зовем: Аллилуиа.

Икос 6
Возсиявше житие преподобнаго Марка в земли Псковстей и стекахуся в пустыню Печерскую тщащиися жития иноческаго. Тако и ты, преподобная, со супругом твоим востекла еси в леса и дебри Печерстии, бегая мира лукавствия. Сего ради приими от нас похвалы сия:
Радуйся, прелесть мирскую оставившая.
Радуйся, к иноческому деланию прибегшая.
Радуйся, преподобным Марком умудренная.
Радуйся, его наставлением внимавшая.
Радуйся, подвиги его лицезревшая.
Радуйся, мира тленнаго не возжелавшая.
Радуйся, твоему супругу подражавшая.
Радуйся, дебрьми и лесом не устрашенная.
Радуйся, злокозненные наветы диавола победившая.
Радуйся, Ангелов теми возвеселившая.
Радуйся, со Ангелы во славе небесней ныне ликуеши.
Радуйся, преподобная мати Вассо, помощнице наша прерадостная.

Кондак 7
Хотяще оставити мир сей, востече честная двоица к преподобному Марку, и ту водворися на подвиги, облагоухашеся молитвами преподобных дебри, еже при потоце Каменце, в пещерах же Богом зданных учредишася церковь, в нейже согласно пояху иноцы: Аллилуиа.

Икос 7
Новую и преславную силу изведаша двоица честная, приобщившись чину иноческому и пострижение прияша, подвиги бо усугубиша в лесах и пропастех земных. Мы же ведуще сия глаголем:
Радуйтеся, иноческаго жития ревнителие.
Радуйтеся, пострига монашескаго возжелавшии.
Радуйтеся, в постриге Богу себе всецело предавшии.
Радуйтеся, плоть свою трудами томившии.
Радуйся, Иоанне — Ионой нареченный.
Радуйся, житию пророка Ионы подражавый.
Радуйся, в пещерах яко во чреве китове пребывавый.
Радуйся, яко чрево земли бысть тебе отрадою.
Радуйся, и супружницу твою Христу обручивый.
Радуйся, Вассо, блаженная – подражательнице супругови.
Радуйся, подобно ему, в недрех земли молившаяся.
Радуйся, всех благ земных Христа ради лишившаяся.
Радуйся, преподобная мати Вассо, помощнице наша прерадостная.

Кондак 8
Странное и преславное чудо слышаще зверолови, пришедше на святую гору, и гласи пений иноческих уловивше из земли, страхом объяты бывше, поведаша людем о сем и возопиша Богу: Аллилуиа.

Икос 8
Вся бе небесным взята, преподобная, но и на земли усердно подвизашеся, и в иночестем делании упраждняшеся. Сего ради приими и от нас похвалы сия:
Радуйся, правила монашеския возлюбившая.
Радуйся, молитвою к Богу всегда пламенеющая.
Радуйся, обеты иночестии Богу принесшая.
Радуйся, послушание паче укрепившая.
Радуйся, сему дару и нас научающая.
Радуйся, нестяжание приобретшая.
Радуйся, от корысти и скверноприбытчества нас ограждающая.
Радуйся, сладость молитвы познавшая.
Радуйся, сею пищею и нас питающая.
Радуйся, пустынное житие предпочетшая.
Радуйся, в двери рая с преподобным Ионою возшедшая.
Радуйся, преподобная мати Вассо, помощнице наша прерадостная.

Кондак 9
Всяких сил небесных ныне являешися сопричастницей, святая и преподобная Вассо, предстоиши бо у престола Божия и непрестанно молишися за ны, вопиющия Богу: Аллилуиа.

Икос 9
Витии многоглаголивии не могут изрещи подвиги и труды твоя, како женское естество отвергше, суровому пустынническому житию востекла еси. Мы же, ведуще силу Господню, воскликнем ти:
Радуйся, Господня избраннице.
Радуйся, небесных селений достигшая.
Радуйся, любовь твою обильно на нас проливающая.
Радуйся, весь Печерскую освятившая своим пребыванием.
Радуйся, подвиги твоими и нас вдохновляющая.
Радуйся, ведущая нас на небо.
Радуйся, всем прибегающим к тебе скоро помогающая.
Радуйся, заблудших незримо вразумляющая.
Радуйся, утешение наше присное.
Радуйся, пустыни тезоименитая.
Радуйся, пустынное житие являющая.
Радуйся, преподобная мати Вассо, помощнице наша прерадостная.

Кондак 10
Спасти хотя род человечь, Человеколюбец Господь, дарова нам помощницу в бедах и обстояниих, скорбех и печалех, о преподобная Вассо, да всяк возраст утешен будет и в радости воскликнет: Аллилуиа.

Икос 10
Стена еси верным и сладкая отрада. Сего ради присно зряще на образ твой радуемся грешнии и со дерзновением восклицаем:
Радуйся, радосте наша любезная.
Радуйся, мати всем крова лишенным.
Радуйся, одеждею нас снабдевающая.
Радуйся, всегда Бога о нас умоляющая.
Радуйся, иноком присная помощь.
Радуйся, в подвизех иночестих утверждающая.
Радуйся, страстей и наветов плоти отгонительнице.
Радуйся, в крестоношении нам помогающая.
Радуйся, молитве незримо научающая.
Радуйся, в сладость молитву нам претворяющая.
Радуйся, в подвизе поста укрепляющая.
Радуйся, преподобная мати Вассо, помощнице наша прерадостная.

Кондак 11
Пение хвалебное приими от нас, преподобная мати, внемли молением нашим, защити нас от всякаго зла, сохрани град сей и обитель, да будет верным утешение и прибежище, идеже возможем пети: Аллилуиа.

Икос 11
Светоприемная свеща бысть житие твое, преподобная! Сего ради Господь нетлением тя прослави и ныне пречестную раку мощей твоих зряще, тебе восклицаем:
Радуйся, нетлением почтенная.
Радуйся, Царства Небеснаго наследнице.
Радуйся, во врата узкия вшедшая.
Радуйся, ныне с Богом беседующая.
Радуйся, Христу сораспятая.
Радуйся, слезами покаяния себе омывшая.
Радуйся, слезы молитв твоих обратися в радость.
Радуйся, вельми чадолюбивая ко грешным.
Радуйся, о гресех за сих чад усердно умоляющая.
Радуйся, сердце каждаго зрящая.
Радуйся, доброе намерение целующая.
Радуйся, преподобная мати Вассо, помощнице наша прерадостная.

Кондак 12
Благодать ти дана от Бога милостию посещати чад обители твоея, на месте, идеже ты житие монашеское провождала. Мы же ведуще сие и радующеся прилежне в умилении восклицаем Богу: Аллилуиа.

Икос 12
Поюще тя, преподобная мати Вассо, не возможем песен достойных составити ко прославлению имене твоего честнаго, токмо на любовь твою надежду возложим, да восхвалим тя пении сими:
Радуйся, житием своим Бога воспевшая.
Радуйся, питающая нас хлебом небесным.
Радуйся, девства страж неусыпный.
Радуйся, иноков вельми возлюбившая.
Радуйся, места сего страж неусыпный.
Радуйся, града Печер оплот верный.
Радуйся, Псково-Печерския обители украшение.
Радуйся, рака твоя ныне зрима есть.
Радуйся, фимиаме молитв усердный.
Радуйся, ты бо вся прошения наша слышиши.
Радуйся, николиже нас оставляеши.
Радуйся, преподобная мати Вассо, помощнице наша прерадостная.

Кондак 13
О, преподобная и всехвальная мати Вассо! Обители Псково-Печерския инокине! Внемли милостивно молением нашим и вся прошения наша исполни, да восхвалим Бога песнию: Аллилуиа.
(Этот кондак читается трижды, затем икос 1 и кондак 1)

Акафист преподобной Вассе Псково-Печерской, составленный Наместником Псково-Печерского монастыря архимандритом Пименом, в будущем Патриархом Московским и всея Руси.