Храм святителя Василия Великого

На главную ‹  Каталог сайтов ‹  Псковские святые и праведники ‹ Преподобный Никандр пустынножитель, Псковский чудотворец (1581)

Преподобный Никандр пустынножитель, Псковский чудотворец (1581)

Память его празднуется 24 сентября в день преставления, 29 июля в день обретения мощей и в 3-ю Неделю по Пятидесятнице вместе с Собором Псковских святых.

Преподобный Никандр Псковский (в крещении Никон) родился 24 июля 1507 года в семье крестьян Фи­липпа и Анастасии в селе Виделебье на Псковщине. С детского возраста он об­наружил стремление к великим подвигам. Отец Ни­кона вскоре скончался, и отрок остался на попечении матери. Он стремился на­учиться грамоте, чтобы чи­тать Божественное Писание.

Часто посе­щал он свою сельскую церковь во имя угодника Божия Николая, архиепископа Мир­ликийского, не любил детских игр; не прельщался красивыми одеждами, до­вольствуясь худым рубищем, и только размышлял о том, как ему спастись. Сильно нравилась Никону тихая иноческая жизнь, посвященная труду и молит­ве. К подвижнической жизни привлекали благочестивого отрока примеры препо­добных Евфросина Спасо-Елеазаровского, начальника псковских пустынножи­телей (память 15/28 мая), и Саввы Крыпецкого (память 28 августа/10 сентября), незадолго перед тем просиявших своими подвигами и чу­десами в Псковской земле.

Когда Никону исполнилось семнадцать лет, он начал молить свою мать, что­бы она удалилась от суетного мира. Анастасия послушала совета сына; часть своего имения раздала нищим, часть пожертвовала в церкви Божии и приняла пострижение в одном женском монастыре, где и жила до самой кончины. Обойдя обители Псковской земли, по­клонившись мощам преподобных Евфросина и его ученика Саввы, он окончательно утвердился в стремлении к отшель­ни­ческой жизни.

Когда Никон возвратился в Псков, его принял к себе в дом торговый че­ло­век Филипп, возлюбивший юношу за его необычайное смирение и терпение. Видя великое желание Никона разуметь грамоту, Филипп отдал его в учение к некоему диакону. Господь просветил разум юно­го подвижника. Скоро Никон изучил грамоту и читал Божественные книги, так что все дивились его быстрым успехам. Но помыслы его за­няты были одним — стремлением угодить Господу, спасти свою душу.

Помня слова святого пророка Давида: Се удалихся бегая и водворихся в пус­тыни: чаях Бога, Спасающаго мя от малодушия и от бури (Пс. 54, 8—9), смиренный подвижник усердно молил Господа, чтобы удостоил его видеть пус­тыню, послал человека, который бы мог ука­зать ему то уединенное место.

Молитва святого была услышана. Ког­да преподобный пришел в Псков, чтобы, по обычаю своему, выслушать Божественную литургию в церкви святого и слав­ного Бо­гоявления, в сем храме был глас Никону из алтаря, повелевавший ему идти в пустыню, которую Господь укажет через Своего раба Феодора. Крестьянин Феодор отвел его на речку Демьянку, между Псковом и Порховом. (Впоследствии Филипп и Феодор, которые помогли препо­добному достичь своей заветной цели, по его молитвам также вступили на путь иночества и стали пострижен­никами Крыпецкого монастыря с именами Филарет и Феодосий.)

Много искушений и бед пережил на тесном пути подвижничества препо­доб­ный Никандр. О «страстех пустынных» ему предсказал еще в Пскове блажен­ный Николай (память 28 февраля/12 марта). Молитвами всех Псковских угод­ников и преподобного Александра Свирского (память 30 августа/12 сентября и 17/30 апреля), который дважды являлся преподобному, на­ставляя и укрепляя его, он, с помощью благодати Божией, преодолел все многообразные козни лукавого. Силой молитв преподобный побе­дил слабости плоти, человеческое недоброжелательство и диавольские страхования.

Между тем распространился слух о подвигах пустынника, и окрестные жители стали стекаться к нему, прося молитв и наставлений. Тяжела была смиренному подвижнику слава от людей; он не хотел и боялся ее. Поэтому убегая от людского прославления, Никон оставил свое уединение и отправился снова в Псков в монастырь, основанный пре­подобным Саввой Крыпецким. Игумен, видя его телесную немощь, не сразу согласился принять его, опасаясь, что трудности монашеской жизни будут ему не по силам. Тогда Никон, припав к раке преподоб­ного Саввы, стал, как живого, умолять его взять в свою обитель. Игу­мен смягчился и постриг Никона с именем Никандр.

С новой силой устремился преподобный на подвиги — всего себя предал Богу, совершенно отказался от своей воли и повинился во всем воле игумена и братии. Постоянно укреплял он себя такими благоче­стивыми размышлениями: «Пшеничному полю подобно иноческое жи­тие, оно требует частого дождя слез­ного и великого трудолюбия. Если хочешь принести обильный плод, а не терние, то трезвись умом и трудись; старайся быть доброй землей, а не каменистой почвой, чтобы всеянное свыше в сердце твое могло принести плоды, чтобы не изсыхало оно от зноя и уныния и небрежения».

Время, свободное от молитвы, преподобный Никандр проводил в руко­делии. Игумен и братия удивлялись подвижнику, его благонравию, смирению и покорности, бодрости и крепости в подвигах и прослав­ляли Бога. Между тем преподобный Никандр, снова убегая людской славы и тоскуя о прежней отшель­нической жизни, отправился в свою пустыню и прожил там несколько лет.

В дикой пустыни самая жизнь подвижника нередко подвергалась опасности. Так, однажды разбой­ники напали на убогую хижину святого, отобрали скудные пожитки отшельника, отняли у него и последнее утешение — святые иконы и книги, а самого его сильно ранили в ребра копьем и оставили еле жи­вым. По молитвам святого двое из них, устрашившись внезапной смертью своего товарища, раскаялись в своих злодеяниях и получили прощение старца.

Но преподобный не столько боялся разбойников, сколько похвалы людской. Посему снова оставил он пустыню и во второй раз отправился в Крыпецкий монастырь, где ранее принял монашество. Прибыв в обитель, святой продолжал свою строгую подвижническую жизнь. Дивясь его подвигам, братия поставила его в пономари. Кроме того, на святого было возложено трудное и тяжелое послушание печь про­сфоры. Но преподобный Никандр с радостью стал исполнять эту ра­боту, размышляя: «Если Господь наш Иисус Христос назвал Своим Телом хлеб, приготовленный для Тайной вечери, то мне следует ра­доваться, что Бог сподобил меня приготовлять такие хлебы, на коих совершается великая и страш­ная тайна: дивным и непостижимым об­разом прелагаются они в Святое Тело Христово».

И подвижник Божий продолжал неустанно трудиться. Иноки, видя его возрастающее рвение и полюбив его за смирение и кротость, про­сили игумена сделать Никандра келарем. Игумен исполнил просьбу братии и поставил пре­подобного на келарство.

Святой при сем возвы­шении не изменил своей прежней жизни, но исполнял новую обязан­ность со смиренномудрием и усердием, как бы дело, порученное ему Самим Господом; не превозносился он данной ему властью, помня слова Писания: Аще кто хощет в вас вящший быти, да будет всем слуга (Мф. 20, 26). Получив власть в монастыре вместе с должностью келаря, преподобный Никандр вел себя как самый младший, раньше всех выходя на работы. Но недолго святой Никандр был келарем: не­сносна была ему суета, с которой соединялось келарство, тяжело бы­ло постоянное общение с людьми; он стремился к прежней отшельнической жизни, к безмолвию, потому и решился снова, уже навсегда, покинуть обитель.

Выйдя из Крыпецкого монастыря, он по­селился на одном острове, находящемся верстах в четырех от него; здесь святой построил хижину, опять предался своим обычным подви­гам и провел таким образом три с половиной года. Слава отшельника привлекла к нему многих посетителей, которые искали у преподобного слова назидания. Между тем враг — завистник людей внушил игуме­ну и братии Крыпецкого мо­настыря мысль, что, привлекая к себе народ, Никандр уменьшит монастырские доходы. Посему они пришли к преподобному и требовали, чтобы он удалился с этого места. С величайшим смирением исполнил святой требование: он снова отправил­ся в свою пустыню, на место, указанное ему Богом.

Прибыв в свою пустыню, святой снова предался подвигам и прожил там отшельником до самой блаженной кончины своей в продолжение 32 лет и 2 месяцев. 15 лет из них он провел, не видя лица человече­ского, так что и люди не знали о месте его подвигов. Чудесным обра­зом Господь открыл миру Своего угодника. Некто Петр, по прозванию Есюков, живший в 12 верстах от хижины святого, однажды, погнав­шись за лосем, заехал в темный лес, в глухую, непроходимую дебрь. Петр потерял из вида лося; тогда он заметил небольшую хижину, ого­роженную частоколом — жилище преподобного Ни­кандра.

К преподобному стало приходить много народа «пользы ради», ибо, по слову прп. Иоанна Лествичника, «монашеское житие — свет для всех человеков». Верующие обращались к прп. Никандру за молитвенной помощью, ибо Гос­подь наделил его многими благодатными дарованиями. Пустынник с любовью и вниманием относился ко всем нуждам своих посетителей и даже устроил им для ночлега убогую «гостиницу у дуба», которую сам протапливал.

Преподоб­ный не дозволял себе выставлять напоказ свои дарования. Приходя тайно к его кел­лии, люди всегда слышали, что он молится с горьким рыданием. Он же, заметив близость людей, тотчас умолкал, пряча от них пол­ученный дар слез. Между тем, видя, что приближается конец земной его жизни, преподобный Никандр решился возложить на себя великую схиму. Он отправился в Демьян­ский монастырь и здесь принял от руки игумена великое пострижение; это произошло за восемь лет до его кончины.

В то время к преподобному часто приходил один диакон из г. Порхова, по имени Петр, для душеспасительных бесед. Во время одного посе­щения Ни­кандр поведал Петру: «Брат Петр, скоро Господь призовет к Себе мою душу, и ты погреби тогда мое грешное тело. Не знаю, как извещу тебя, ибо в то вре­мя будет брань: тогда придут сюда польские и литовские войска и будут держать Псков и Порхов в осаде; ты же, когда услышишь о моей кончине, небояз­нен­но погреби тело мое, а над моим гробом будет воздвигнута церковь в честь ве­ли­кого и славного Благовещения».

Он предвидел свою смерть, предсказав, что ум­рет, когда на отечество нападут враги, предрекая им при этом скорое по­ражение. 24 сентября 1581 года, во время нашествия войск польско­го ко­роля Стефана Батория, один крестьянин нашел его скончавшим­ся: он лежал на ро­­гож­ке с крестообразно сложенными на груди руками. Так с миром почил о Гос­поде досточудный отец наш преподобный Никандр пустынножитель.

Не осталось забытым уединенное место подвигов святого пустынножителя. Через два с половиной года после кончины прп. Никандра над его гробни­цей воздвигнута церковь в честь Благовещения Пресвя­той Богородицы. В 1585 году пришел на то место один мирянин. Здесь он принял иноческое постриже­ние с именем Исаии. Долгое вре­мя Исаия страдал болезнью ног и наконец, по мо­литвам преподобно­го, получил исцеление от своего недуга. Сей Исаия на месте подвигов преподобного Никандра устроил монастырь и собрал в ней многочис­ленную братию. Так была основана Благовещенская Никандрова пустынь.

В 1686 году по распоряжению патриарха Всероссийского Иоакима, вследствие слуха о его чудесах, мощи преподобного были освидетельствованы и найдены нетленными; в то же время было составлено его житие и сочинена ему служба (есть и акафист).

Патриарх Иоаким, рассмотрев житие и службу преподобному, повелел праздновать па­мять его в храмовый праздник обители (т. е. на праздник Благовещения), а также 24 сентября — в день кончины его. При перестройке собора монастыря были обретены мощи прп. Никандра, скрытые в стене, и 29 июня празднуется как день обретения его честных мощей. И сейчас крепка молитвенная связь верующих с прп. Никандром, ко­торого глубоко чтят на Псковской земле.

Молитва святому преподобному Никандру, Псковскому чудотворцу

О преподобне и достоблаженне отче наш Никандре, постниче терпеливодушный, безмолвия рачителю предоблий, учителю духовный спастися хотящым, наказателю претихий ленивым, разрешителю тлетворных страстей незлобивый, мужу желаний, прозорливства пророческаго исполнение, предвозгласная цевнице будущих, адаманте веры во Христа несекомый, незыблемый стопе терпения, совершителю заповедий Творца твоего благопослушливый, плотоносный ангеле и Духа Святаго вместилище благовонное, жителю пустынный и бесов прогонителю, исполнителю всех добродетелей смиренномудрый. Небесный человече и сожителю горним чиноначалием, земный ангеле, кротостию духа кротких землю наследовавый, друже Христов и угодниче Пресвятыя Богородицы, яже и раку цельбоносных мощей твоих во храме своем прославити благоизволи. Яко Мати сущи Творца и Зиждителя всея твари и Хранительница всех труждающихся и обремененных, Тая бо независтно и от раки твоея, преподобне, чудесному дождю на верных изливатися повеле. К нейже припадающе любезно молим тя, досточудне: не престай молити Пресвятую и Живоначальную Троицу, низпослати державе нашей здравие, тишину и долгоденствие, на враги же победу и одоление, и от навет вражиих воинству сохранитися в мире; церквам согласие, и всем людем тишину, и изобилие благих даровати. И угаси, блаженне, молитвами твоими, парящыя на ны разжженныя бесовския стрелы, да не прикоснется нам злоба греховная, и всем вся милостивне даруя, призри и на мя смиреннаго своего раба: связан бо есмь люте пленицами прегрешений, и влеком, увы мне! в пучину страстнаго моря неодержанно. Сего ради прилежно молю святыню твою, пребогате, и припадаю любезно к раце мощей твоих со слезами, предстани мне на пути бедственнаго жития сего: расторгни узы, отжени страсти, ослаби от греховных вериг, избави мя от належащия скорби и всякаго зла, разреши мя от болезненных уз и спасение даруй, яко да спасся молитвами твоими, воспою и прославлю в Троице славимаго Единаго Бога, Отца и Сына и Святаго Духа, ныне и в безконечные веки веков. Аминь.

Тропарь преподобному Никандру пустынножителю, Псковскому чудотворцу

Тропарь, глас 4:
Глас Божественный, иже во Евангелии, услышав, преподобне отче Никандре: приидите ко Мне вси труждающиися и обремененнии, и Аз упокою вы, и прием крест, последовал еси Христу, мир оставль, в пустыню вселился еси, пощением же и бдением небесный дар восприим, и души недужных, приходящих к тебе с верою, исцеляеши. Темже и со ангелы срадуется, преподобне, дух твой.

Ин тропарь, глас 6:
Светило незаходимаго света стране нашей явился еси, Богоблаженне, доблественне претерпев вражия озлобления, биение и раны, яко одежда нетления, вменишася тебе, со зверьми бо брався еси, и от человек злых прободения прияв, о тех молился еси, глаголя: не постави им греха сего. Темже Владыце Христу уподобился еси, достохвальне Никандре, отче наш, молися о душах наших.

Кондак, глас 1:
Яко лучу тя солнечную Христос показа, преподобне, сияеши бо в земли Российстей чудес благодатию, и отгоняеши тьму страстей же и скорбей от приходящих к тебе с верою. Темже почитаем твою память, Никандре отче наш, и вопием ти: радуйся, пустынножителей красото, и стране нашей похвала и утверждение.

Ин кондак, глас 8:
Во избрание Богосиянная звезда веры, иже возсия в Русстей земли, отче преблаженне Никандре, слезами и постом и бдением и молитвами удручал тело свое, темже и обрете Небесную жизнь, и радостно тайно со ангелы ликовствуя, да зовем ти: радуйся, отче преподобне Никандре, пустынный жителю.

Величание
Ублажаем тя, преподобне отче Никандре, и чтим святую память твою, наставниче монахов и собеседниче ангелов.

Акафист святому преподобному Никандру, Псковскому чудотворцу

Кондак 1
Возбранный от Начальника и Совершителя веры, Господа Иисуса, данный во образ последования Православныя Церкве сословию, доблественный подвижниче и чудотворче предивный, преподобне отче Никандре! Похвальная со благодарением приносим ти молитвенницы твои: ибо теплым твоим предстательством у Царя Небеснаго вся полезная и спасительная ходатайствуеши нам. Яко имея дерзновение ко Престолу Благодати, от всяких нас злоключений свободи, да зовем ти:
Радуйся, преблаженне Никандре, преподобне отче наш.

Икос 1
Ангельскими девяточисленными силами окружаемый славы Господь, предъуведев неуклонное сердца твоего изволение, яко хощеши быти покоривым учеником и тщаливым исполнителем заповедей Его, вдохну тебе, якоже древле пророчице Анне, еже прибегати ко храму Господню, да научишися тамо началом премудрости, яже есть страх Господень: темже и научи нас со удивлением воспевати тебе таковая:
Радуйся, благочестиваго корене благое прозябение.
Радуйся, чудное всех христианских добродетелей плодоприношение.
Радуйся, младенче, при купели обновления посвятивый себе Господу на служения верная.
Радуйся, помазанниче, восприемый свыше всеоружия духовная.
Радуйся, теми от юности на тело свое, на мир сей и диавола себе ополчивый.
Радуйся, разум свой ко свету боговедения восперивый.
Радуйся, очима твоима всюду Господа искавый и в нем намерение полагавый.
Радуйся, слухи твоя на восприятие глаголов Божиих, имиже возраждается вера, обративый.
Радуйся, уста твоя на славословие Божие и псалмопение, на назидание искреннему твоему в душеполезнем отверзаяй.
Радуйся, руце твои на творение благодеяния требующым устрояяй.
Радуйся, нозе твои шествовати по путем оправданий Господних управляяй.
Радуйся, вся твоя душевная и телесная чувства на благоугождение Подателю всех благ устремляяй.
Радуйся, преблаженне Никандре, преподобне отче наш.

Кондак 2
Видя преподобный Никандр душевныма очима, яко в мире сем всяческая суета, и яко недостойны суть стрвсти нынешняго века, имущей славе явитися на небесех, потщался, отвергся себе, мира и яже в нем, наставляемь преподобным Евфросином и Саввою, тесным и прискорбным шествовати путем в горний Небесный Иерусалим, егоже достигнув ныне, предстоя Престолу Агнчу, достойно веселится с ними и со всеми избранными, поя Всесильному Богу: Аллилуиа.

Икос 2
Разумев Господь, напоивый тя, преподобне, словесным и нелестным млеком благочестия, сподоби тя преспевати в мужа, в меру возраста совершенна, возрастающа во спасение, да вкусиши, яко благ Господь: к Немуже приходя, сам яко камение живо зиждешися в храм духовен, в святительство свято, возносити жертвы духовныя благоприятны Богови; и да благоуспееши в сем. Удалився от дому твоего, вдал еси себе мужу богобоязливу, навыкнути от него, яже суть на потребу: уведети Писания, в нихже сокровен есть живот вечный, и да научиши нас приглашати тебе таковая:
Радуйся, юноше, вся детская игралища, яко поползновение ко злу, презревый.
Радуйся, мудрованием горних, а не земных, яко многоценным бисером, сиявый.
Радуйся, оным лице твое и сердце украсивый.
Радуйся, Господа от всея души и всея крепости твоея возлюбивый.
Радуйся, не точию день субботный, но и вся дни живота Господу Богу святивый.
Радуйся, николиже имене Господа Бога твоего всуе приемый.
Радуйся, родителей твоих любовию, послушанием и воздаянием должным почтивый.
Радуйся, ближняго твоего, яко себе самаго возлюбивый.
Радуйся, юность твою в целомудрии обучивый.
Радуйся, яко деву чисту, Жениху Христу себе обручивый.
Радуйся, писанная в законе благодатию Божиею сотворивый, и в усовершение сего еще едино докончавый.
Радуйся, вся имения твоя продавый, и да живот вечный наследиши, нищым раздавый.
Радуйся, преблаженне Никандре, преподобне отче наш.

Кондак 3
Сила божественнаго евангельскаго слова: «Приидите ко Мне вси труждающиися и обремененнии, и Аз упокою вы», подобно мечу обоюду остру, проникну твое, преблаженне, ревностное сердце, бывшу тебе со благоговением во святем храме: егоже действия толико исполнен был еси, яко ничесому запинающу, паче же путь тебе показующему Божиим изволением мужу Феодору, прострый дух твой, яко горлица в пустыню непроходимую водворился еси, и тамо воздвигнув некое жилище, себе самаго представил еси селение Богу Вышнему, поя Ему в подвизех молитвы и пощения всегда: Аллилуиа.

Икос 3
Имея основание богоугоднаго жития твоего, преблаженне отче наш, смирение, кротость и нетщеславие, да отец твой, видя в тайне, воздаст тебе яве, мнил еси места пустынная быти сокровение твоея добродетели. Но якоже речеся: «Несть глас, иже не услышится»; тако и святое житие твое прославися во окрестных странах. И да не како пакостник плоти, аггел сатанин, препнет твоему шествию, и да не искусит тя похвалитися о сем: сего ради оставив место пребывания твоего, Богу лучшее что о тебе предзревшу, притекл еси во обитель святаго Иоанна Богослова, и откровенным гласом пред церковию и ангелами изрек священныя обеты, вдал еси себе во служение иноческое. Темже воспеваем ти таковая:
Радуйся, воине, не двема господинома работати, но Единому точию, Живущему на Небесех, восхотевый.
Радуйся, вся повеленная чрез начальников поставленных от Него с радостию, а не с воздыханием творивый.
Радуйся, понесый терпеливодушно и самая великая озлобления.
Радуйся, плоть твою воюющую на духа умертвивый чрез молитву и суровая пощения.
Радуйся, уединенно в богомыслии и слезах нощи проводивый.
Радуйся, тело твое, во умерщвление страстей, на снедение летающым животным обнаживый.
Радуйся, кровьми мученическими во свидетельство непреложныя веры обагренный.
Радуйся, по распятии ветхаго Адама, новым, Иже есть Христос, в преподобии и правде оживотворенный.
Радуйся, крестивыйся во Христа.
Радуйся, облекийся во вся велелепоты Его.
Радуйся, хлеба ангельскаго во дворех Вышняго Сиона вкушаяй.
Радуйся, глаголом Божиим на труды многоразличныя себе укрепляяй.
Радуйся, преблаженне Никандре, преподобне отче наш.

Кондак 4
Буря смущения, воздвизаемая ветры многоразличных о преподобнем житии твоем помышлений, пребывающих с тобою во общежительстве, колеблет корабль смирения твоего. Ты же, смирения рачителю, паче и паче исполняяся оным, грядеши паки в пустыню, юже ти указа глас Невидимаго от олтаря исходяй, да тамо на вящшыя подвиги, препоясався силою свыше, обратишися, попирая силою Креста вся сопротивнаго козни, да тако соплет победоносный венец, удостоишися прияти на главу твою от руки Господа, всегда победители нас Творящаго, поя Ему: Аллилуиа.

Икос 4
Сущи ти на месте, великий подвижниче, идеже бе устроено жилище твое, Богу тако действующу, течение твое совершал еси в теплых молитвах, во уповании несомнительнем, яко не изнеможет от Бога всяк глагол, и в любви, от неяже ни ранами, ни прещением, ни гладом, ни иною коею нуждею отвлечен быти возмогл еси: обаче диавол, яко лев, иский кого поглотити, наусти безчеловечныя разбойники, еже предати тя гублению, но ничтоже возможе. Паче же прославися твое неизреченное терпение: егда бо от язвы копием в ребра весь обагрен был еси кровию, тогда возопил еси в души твоей, якоже Стефан: «Отче, отпусти им!» Мы же зряще твое крепкое благодушие, со удивлением вопием ти таковая:
Радуйся, страдальче, посвятивый в жертву приятну Богови себе самаго.
Радуйся, не убоявыйся от убивающих тело, души же не могущих убити.
Радуйся, каменю непоколебимый, от негоже вся волны свирепствующыя сокрушаются.
Радуйся, яко в тебе вера, любы, смирение и незлобие являются.
Радуйся, мужу скорбей, радуяйся со святым Павлом во страданиих своих.
Радуйся, приемляй радость, веселие и мзду многу на небесех.
Радуйся, кровию твоею, яко гласом вопиющим на небо, овых ослеплением очес и потоплением поразивый.
Радуйся, тоюжде кровию овых на путь истинный раскаяния обративый.
Радуйся, пришедшым им к тебе не грозныя и местныя взоры явивый.
Радуйся, яко отец сердоболный развращенных чад не оскорбивый.
Радуйся, излиянием крове твоея венчавыйся с мученики и страстотерпцы.
Радуйся, не точию всех притекающих к тебе с верою, но и о вразех твоих теплый молитвенниче.
Радуйся, преблаженне Никандре, преподобне отче наш.

Кондак 5
Боготечная звезда, заимствующая свет свой от истиннаго солнца правды, Господа Иисуса, явился еси нам, богоблаженне Никандре, во мрачней нощи многострадальнаго жития сего спящым и заблуждающым, показуяй нам первее время востания от сна греховнаго: таже благовидным образом своим, словом, житием, любовию, духом, верою, чистотою, кротостию и терпением, ведый по пути спасения к горнему Небесному Отечеству всех прибегающих к тебе и вопиющих Богу: Аллилуиа.

Икос 5
Видевше Православныя Церкве благочестивая чада, паче же окрестнии, ревностное твое по заповедем Господним житие, и благодать Духа Святаго обитающую в сердцы твоем, еюже умудрився во спасение, преподавал еси послушающым тя отеческая наказания, и еюже врачевал еси не токмо недуги душевныя, но и телесныя, притекаху к тебе с верою не возвращающеся тщы, но якоже облацы поднебеснии исполнени влаги, орошаху нивы сердец своих, возвращающе благия плоды веры и вопиюще таковая:
Радуйся, источниче, посреде безводных мест источаяй сладкия воды полезных учений.
Радуйся, наставниче предобрый в надежди требующих о Божии милосердии уверений.
Радуйся, древо благосеннолиственное, успокояющее прохладою и утешением во юдоли сей странствующих.
Радуйся, совершенными плодами онаго насыщающее правды Христовы алчущих.
Радуйся, мироварнице, на вся недуги врачевания содержащая.
Радуйся, оная, яко врач скоромилостивый, безмездно недугующым подаваяй.
Радуйся, милости превеликия и скорбящым скоропредстательнаго сострадания хранилище.
Радуйся, неповинных разрешение и осужденных праведное судилище.
Радуйся, потщавыйся о нищете духовней и тою вселивый внутрь тебе Царствие Божие.
Радуйся, прилежавый неослабно чистоте душевней и телесней, и тою же зряй Бога.
Радуйся, светильниче, елеем дарований Духа Святаго возжженный.
Радуйся, на высоко место славы небесныя вознесенный.
Радуйся, преблаженне Никандре, преподобне отче наш.

Кондак 6
Проповедуют безмолвныя пустыни, обители, гради и веси безстрастное житие твое, еже стяжал еси, богомудре, первее умертвив плоть твою бдением, пощением, стоянием на молитвословиих, ниже возлеганием на ребра, точию преклонением главы и малым дреманием. Противу же диавольских наваждений и полчищ его, овогда во всадники на конех, с тимпаны и кличами, овогда в лютых волков и дивиих зверей преображавшихся, вооружался еси: овых поражением жезла, овых силою Креста, и сим, яко великий Константин, побеждал еси. О Немже хваляся, яко оружии непобедимем, поеши Распятому на Нем всегда: Аллилуиа.

Икос 6
Возсиял еси царству Православно-Российскому под леты великий светильник, поставленный не под спудом, но на свещнице, исполнен елеа чиста веры, надежды и любве к Сотворшему тя, паче же христианскаго терпения, незлобия и чуднаго воздержания от брашен, да явиши всем любовию чтущым тя, яко не о хлебе единем жив будет человек, но о всяком глаголе, исходящем из уст Божиих. Темже и мы, покрываемии тмою грехопадений, алчущии и жаждущии духом, взирающе на тя, радостная приглашаем ти тако:
Радуйся, воине Христа Бога нашего избранный. Пребываяй Ему верен даже до смерти.
Радуйся, во брани жития невидимых врагов мужественне победивый.
Радуйся, во служении твоем, яко течец скорый, не возвративыйся вспять.
Радуйся, семя слова Божия не на сердце каменно, но на сердце плотяно приимый.
Радуйся, произрастивый благия плоды, с нимиже явился мирови.
Радуйся, яко теми мир прославляет Отца, Иже есть на Небесех.
Радуйся, надежду твою и в жизни и в смерти возложивый на Господа Едина.
Радуйся, тою покоривый вся тебе сопротивная.
Радуйся, оною, яко непобедимым щитом, себе оградивый.
Радуйся, любовию твоею неразлучно себе Жениху Христу уневестивый.
Радуйся, тою всех блаженств, ихже стяжа кровию своею, присно наслаждаяйся.
Радуйся, яко седением Христа одесную Бога и ходатайством Его вопил еси в сердцы твоем: «Авва Отче!»
Радуйся, преблаженне Никандре, преподобне отче наш.

Кондак 7
Хотящу некоему богобоязливу мужу Симеону приити поклонитися тебе и насытитися сладостных учений твоих, имиже возмогл бы укрепити душу свою, яковая и улучил ест. Но ты, прозорливче, предрекл еси ему скороприближающуюся кончину и предуготовал еси его к мирному отшествию из сея плачевныя юдоли в вечную нескончаемую жизнь: чесо ради приим иноческий образ, устреми душу свою горе, и добре пожив, скончася и преселися во блаженная недра Авраамова; о чесом ты прославляя Бога, поеши благодарственная: Аллилуиа.

Икос 7
Новаго тя пророка яви дивный в высоких Господь, разделяяй коемуждо дарования Святаго Духа, даровав тебе силу прозорливости: благородну бо некоему мужу Петру, заматоревшу во днех своих с женою и безчадну, чудесно приведенному к тебе, предрекл еси, яко имать родитися сын ему, и яко воздвигнется на месте безмолвия твоего храм Пресвятыя Богоматере, и распространится место сие и прославится, еже и сбыстся, чесовому удивляющеся, вопием ти:
Радуйся, мужу проречений, исполнением дела увенчанных.
Радуйся, будущая яко настоящая благодатию Божиею созерцаяй.
Радуйся, благогласная труба, еюже воздвизаются сердца земнородных унылая.
Радуйся, духовная скрижаль, на нейже изображена суть предсказания неложная.
Радуйся, иноков пустынножительных наставниче и основателю.
Радуйся, молитвами твоими обители чудныя распространителю.
Радуйся, оскудения монастырская обильне исполнивый и от хищников чудесне защитивый.
Радуйся, добре стадо тобою собранное ко спасению наставляяй.
Радуйся, образе нищеты духовныя благовидный.
Радуйся, вся мира сего красная, яко скороисчезающая, Бога ради презревый.
Радуйся, многия люди от пути греховнаго ко Господу обративый и спасый.
Радуйся, призывающих тя утешений духовных исполняяй.
Радуйся, преблаженне Никандре, преподобне отче наш.

Кондак 8
Странное видение и слышание не пленяющым разума в послушании веры и не покаряющымся истине является быти сие, яко овогда чрез сонное видение, простертием руки твоея, овогда чрез глагол приветлив, овогда чрез различная знамения, разслабленным, болящым, недугующым совершенное подаеши исцеление: мы же верою пленяеми, яко Богу вся возможна суть, и «веруяй в Мя, дела, — якоже рече Христос, — яже Аз творю, больша сих сотворит», прославляем в тебе Чудотворящаго Бога. Тебе же исповедающе достойным всемогущества Его орудием быти, велегласно вопием: Аллилуиа.

Икос 8
Весь быв предан Богу: разумом — яко помышляти о Нем, волею — яко творити угодная Ему, памятию — приводя себе необъемлемое присносущие Его, вся назирающее и вся ведущее, представил еси Тому и тело твое, измождив и очистив е бдением, пощением и чудным воздержанием, да сподобишися быти селение Богу Вышнему, да пребудеши во Христе, и Той в тебе. Сего ради во время Святаго Поста притекал еси в Деманскую обитель, и в совершение всех твоих добродетелей, наслаждался еси трапезы Господни, вкушая со благоговением и веселием Тело и Кровь Иисуса Христа. Мы же взирающе на тя, любезно вопием ти:
Радуйся, истинный учениче Христов, Егоже желанием возжелел еси исполнити волю.
Радуйся, шествовавый от веры в веру, от славы в славу.
Радуйся, приснотекущаго живодательнаго источника сладостей насладивыйся.
Радуйся, вкушением брашна негиблющаго, вечнаго, предвкусивый небесная блаженства.
Радуйся, удостоивыйся непостижимаго таинства, на неже приникнути ангели желают, общник быти.
Радуйся, чрез соединение сие призванный со Христом в Царстве Славы жити.
Радуйся, человече исполненный богомыслия и презревый вся земная.
Радуйся, во отвращение еже не видети суеты, главу и лице схимою покрывый.
Радуйся, о времени кончины твоея, еже от человек никтоже весть, предвозвестивый.
Радуйся, по некоем недузе малем крестообразно руце к персем сложивый.
Радуйся, дух твой с веселием в руце Господни предавый.
Радуйся, житие земное божественным гласом: «Благословен Бог, сице благоволивый, слава Тебе», запечатлевый.
Радуйся, преблаженне Никандре, преподобне отче наш.

Кондак 9
Всякому естеству человеческому и ангельскому достоит дивитися великим от страны твоея подвигом и чудному свыше тебе дарованию: толико бо поработил еси плоть духови, яко на земли невещественное, равноангельное житие показал еси, и живя духом, духом и ходил еси, и во плоти аки безплотен явился еси. Сего ради многих чудес творения от Господа прием, чистою и богоприятною душею, благодатию того, ко избранным причтен еси небесным силам в нескончаемем Царствии, идеже поеши Всесильному Богу: Аллилуиа.

Икос 9
Витий многовещанных язык недоумеет тя, достойный всякия славы, славне преподобне отче Никандре, по достоянию восхвалити и благолепно прославити паче-естественная дела твоя, яже творил еси на земли во плоти сущу ти. Но и по преставлении твоем в вечное Царство Славы, идеже ныне по трудех и подвизех сладостно почиваеши, многая и преславная чудеса творити нам не престаеши: честная бо рака, идеже почивают святыя твоя мощи, есть подобна Силоаму, отнудуже хромии, слепии, недужнии и разслабленнии здравие улучают. Мы же, имуще таковое безценное сокровище, благодарствием убеждаеми, воспеваем тако:
Радуйся, земный ангеле и небесный человече.
Радуйся, во плоти живый духовно, в мире премирно.
Радуйся, честное носило и похваление Святыя Троицы.
Радуйся, тричастное души твоея посвятивый Единому Господу.
Радуйся, крилома разума возлетевый к Трисолнечному Свету.
Радуйся, волею твоею потщавыйся святити себе, якоже свят Господь Бог наш.
Радуйся, имеяй попечение не себе точию, но и всем блаженства достигнути.
Радуйся, исполненный мира и любве Божия, имиже ко всем миролюбив и братолюбив был еси.
Радуйся, осеняемый духом благодатей, и притекающих к тебе во спасение умудряяй.
Радуйся, в раскаяние пришедших милосердием Божиим утешаяй.
Радуйся, пред лицем Божиим, яко раб пред Господем, ходивый.
Радуйся, подвижниче, тако текий, яко достигл еси венца твоего, егоже и нас улучити сподоби.
Радуйся, преблаженне Никандре, преподобне отче наш.

Кондак 10
Спасение хотя улучити души твоей, преподобне, от юности твоея, даже до кончины, шествовал еси путем узким и прискорбным, взем крест на рамо, ведый, яко широкий и пространный путь есть вводяй в пагубу. Темже аще и терние, и непроходимая места, и злая приключения запинаху тебе: обаче, предшествующу тебе верному Вождю и Поборнику Иисусу, достигл еси во дворы небесныя, идеже радостей неизглаголанных, яже око не виде, и ухо не слыша, и на сердце человеку не взыдоша, наслаждаяся, вопиеши Богу: Аллилуиа.

Икос 10
Стена необоримая еси всем земнородным, ко скорому твоему заступлению и предстательству притекающым, преблаженне отче Никандре! Темже и нам ко святым мощам твоим, невидимыми ангелами стерегомым, с верою приходящым, и милостивыя коемуждо по потребе помощи просящым, буди стена крепкая и оплот нерушимый, от всяких нас бед застеняя и ограждая, за еже мы вопием тебе таковая:
Радуйся, быстрый предстателю, приемляй прошения наша и на жертвенник благоутробия Божия возносяй.
Радуйся, коегождо прошения в их пользу исполняяй.
Радуйся, скорое услышание нищих.
Радуйся, сердобольный судие вдовиц и отче сирых.
Радуйся, озлобляемых неповинно ревностный защитителю.
Радуйся, болящих душею и телом безмездный исцелителю.
Радуйся, пище и отрадо алчущих и жаждущих.
Радуйся, согреяние во мразех сущих.
Радуйся, обуреваемых немятежное пристанище.
Радуйся, добрый кормчию, жития сего корабль управляяй.
Радуйся, оскудения обители твоея богатне исполнивый.
Радуйся, храмы святыя и здания, снеденныя огнем, согреянием сердец благоговеющих благолепне обновивый.
Радуйся, преблаженне Никандре, преподобне отче наш.

Кондак 11
Пению всякому земнородных достоит умолкнути в прославлении превышающих силы человеческия трудов твоих, имиже добре потрудился еси в пустыни, возделывая ниву сердца твоего ко духовному плодоношению. Кто бо от человек возвеличит суровое житие твое, кто прославит мужественныя подвиги твоя, безмолвие совершенное, смирение, незлобие, нищету духовную, пост многодневный, молитву непрестанную, чистоту по внутреннему и внешнему человеку, за няже сподобился еси со всеми без порока последующими Агнцу, во преподобии и правде пожившими, пети: Аллилуиа.

Икос 11
Светозарное светило явился еси не точию во странах Новаграда и Пскова, но и всю богоспасаемую Россию освещаеши златовидными лучами твоего пустыннаго и богоугоднаго жития, преподобне, и обильными водами, от цельбоносных мощей твоих, напаяеши всех верных, вопиющих к тебе таковая:
Радуйся, исповедавый Христа Иисуса словом и делом пред человеки.
Радуйся, яко в воздаяние за сия, исповедан еси от Него пред ангелы Божиими во веки.
Радуйся, благий делателю винограда Христова, понесый тяготу дне и вар.
Радуйся, плоды трудов твоих, яко первородное, принесый Господу в дар.
Радуйся, миром слез твоих в вере помазавый нозе Иисуса.
Радуйся, яко, идеже глас Евангелский проницает, возвещается имя твое.
Радуйся, тело твое уготовавый в жилище Духу Святому.
Радуйся, и по смерти, действовати Емуже в нем людем на пользу, удостоивыйся.
Радуйся, яко мощей твоих демонския силы трепещут.
Радуйся, яко мощи твоя коемуждо в приключившихся печалех увеселение источают.
Радуйся, востекий на небеса душею, яко Илия Елиссееви же оставивый милоть, ты же нам мощи твоя.
Радуйся, яко силою их, якоже той милотию разделяше воды, мы, лобызающе я, разделяем воды скорбей и шествуем по суши исполнения желаний во благих.
Радуйся, преблаженне Никандре, преподобне отче наш.

Кондак 12
Благодать, данную преподобному Сергию, проповедаше иногда великий князь Димитрий с вои своими, егда той молитвою его и помощию двух монахов, данных ему от него, нечестивых агарян победил есть. Равно и мы благодать твою проповедуем, егда, облежащу Псков злочестивому Баторию с полчищи своими, провел еси молитвою твоею жителей страны сея безвредных посреде огня и меча, шедших со освященным собором на погребение твоего тела: отунудуже почерпающе надежду, избавлятися и всякой стране чтущей тя от нашествия иноплеменных твоим заступлением, вопием Богу: Аллилуиа.

Икос 12
Поюще благоговейно пустынническия подвиги твоя, угодниче Божий Никандре, имиже достигл еси безсмертныя славы на небесех, и вечное твое успение в смерти, прославляем сердцем и устнами Бога всякаго утешения и щедрот, Даровавшаго нам тебе, таковаго мужественнаго подвижника на невидимых врагов в последование, и таковаго милостиваго отца, иже и по преставлении своем нас не оставляеши, но обильными чудес водами всегда напаяеши, очищаеши и прохлаждаеши. Темже надгробную совершающе песнь, ублажаем достопамятное житие твое любезным воспоминанием и усердным целованием:
Радуйся, человече Божий, девятию блаженствы евангельскими украшенный.
Радуйся, во светение чудесное Церкви Православней на высоте поставленный.
Радуйся, уподобивыйся Онуфрию и Сергию великим, подражая житием в пустыни.
Радуйся, Александру Свирскому, явльшемуся ти сугубо на укрепление противу нападений бесовских, последовавый во святыни.
Радуйся, Моисею Боговидцу поревновавый в презрении временных сладостей.
Радуйся, поношение Христово вменивый болше богатство, паче всех сокровищ, взирая на мздовоздаяние небесных радостей.
Радуйся, мир имевый и святыню со всеми, ихже ради зриши Бога.
Радуйся, по степенем добродетелей приступивый ко граду Бога Живаго, ко Иерусалиму Небесному.
Радуйся, оттуду ходатайством твоим ниспосылаяй вся нам благая временная и вечная.
Радуйся, победителю видимых и невидимых врагов, сотворенный столпом в Церкви, на немже написано имя Божие.
Радуйся, умерый мирови жив же Богови, мертвым душею даруяй жити.
Радуйся, живый во веки во Царствии Небеснем со Христом, с Нимже и нам моли быти.
Радуйся, преблаженне Никандре, преподобне отче наш.

Кондак 13
О преблаженне, преподобне, великий чудотворче Никандре, милостивейший во днех наших покровителю и отче! Нынешнее приими от сердца, подобающее тебе, приносимое моление, и твоим непостыдным ходатайством у Небеснаго Царя испроси: страждущую страну Российскую Христос Бог от лютых безбожников и власти их да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш, от враг видимых и невидимых, от всяких бед, напастей и скорбей, и исходатайствуй всем, усердно призывающым тя, прочее время живота в мире и истиннем покаянии скончавше, в Небеснем Царствии с тобою пети во веки: Аллилуиа.
Этот кондак читается трижды, затем икос 1-й и кондак 1-й